Bishtaja jeshile dhe të verdha me peshk të pjekur në skarë

Prisni qepën dhe hurdhat, për të hedhur më pas pak vaj në tigan dhe skuqini për 3-4 minuta. Më pas, shtoni përzierjen e perimeve me bishtaja, hidhni kripë dhe piper, dhe përziejeni derisa të krijohet një masë homogjene.

Pritini specat në rripa të hollë dhe shtojini në tigan me përzierjen e perimeve ‘Bonduelle’. Pritini kërpudhat në copa të vogla dhe kaurdisini në një tigan të veçantë me kripë dhe piper, dhe lërini në zjarr derisa të ziejnë. Më pas, shtojini kërpudhat në tiganin e parë me bishtajat dhe specat, duke i hedhur sipër mardanozin e grirë më parë.

Lyeni tonin me vaj ulliri, vendoseni në një tigan për skarë dhe më pas hidhni kripë dhe piper.

Në të njëjtën kohë, shkrini 100 g gjalpë në një enë të vogël ku shtohen kaperit, duke përgatitur kështu salcën e tonit.

Vendosni tonin në një pjatë, duke hedhur sipër salcën me kaper dhe pranë saj garniturën me perime. Kështu, darka është gati për t’u servirur! Ju bëftë mirë!